OMM Redaksiyası
2002-ci ildə Braziliya millisi ilə dünya çempionu olan Dida Ronaldinyonun “Ravenna”nın heyətində İtaliya C Seriyasında “Forli”yə qarşı keçirdiyi matçla bağlı fikirlərini bölüşüb. “Ravenna” qarşılaşmanı 2:0 hesabı ilə qazanıb.
Dida bildirib ki, Ronaldinyo futbolçu kimi insanlara ilham verməyi bacarıb və nikbinliyi ilə ətrafındakıları daim heyrətləndirib. O, Neymarın Ronaldinyonu futbolun ən böyük şoumeni adlandırması ilə razılaşıb.
“Atmosfer möhtəşəmdir. Ronaldinyo buna layiqdir, çünki insanlara ilham verməyi bacaran fantastik futbolçu olub. O, nikbinliyi ilə bizi həmişə heyrətləndirirdi. Neymar Ronaldinyonu futbolun ən böyük şoumeni adlandırıb? O, haqlıdır! Mən də onunla razıyam”, — Dida Sky Sport Italia-ya deyib.
Ronaldinyo 2002-ci ildə Braziliya millisi ilə dünya çempionu olub, 2005-ci ildə isə “Qızıl top” mükafatına yiyələnib. Karyerası ərzində “Qremio”, PSJ, “Barselona”, “Milan”, “Flamenqo”, “Atletiko Mineyro”, “Keretaro” və “Fluminense” klublarında çıxış edib.
