OMM Redaksiyası
“Bavariya” fransalı hücumçusu Maykl Olise üçün transfer qiyməti müəyyənləşdirib. İspaniyanın Diario AS nəşrinin məlumatına görə, Münhen klubunun qərarı “Real Madrid”in futbolçuya davamlı maraq göstərməsi fonunda verilib.
Bildirilir ki, Almaniya təmsilçisinin rəhbərliyi 24 yaşlı vingeri yalnız 200-300 milyon avro məbləğində təzminat qarşılığında buraxmağa hazırdır. Olisenin “Bavariya” ilə hazırkı müqaviləsi 2029-cu ilin yayına qədər qüvvədədir.
Münhen klubunun rəhbərliyi futbolçu ilə müqavilənin daha yaxşı şərtlərlə uzadılması üçün danışıqları davam etdirir. Bununla belə, klubda Olisenin qarşıdakı yayda karyerasında növbəti addımı atmaq istəyə biləcəyi ehtimalı da nəzərdən keçirilir. Belə bir halda fransalı futbolçu İspaniyanın paytaxtına köçmə variantını nəzərdən keçirə bilər.
