“Santos”un hücumçusu Neymar Virciniya Fonseka ilə öpüşdüyü barədə yayılan məlumatlara münasibət bildirib. Braziliyalı futbolçu xəbərlərin həqiqətə uyğun olmadığını deyib.
“Adətən hekayələrimdə belə şeylər etmirəm, amma bu dəfə həddi aşdılar: başqa bir insanla münasibətim barədə xəbərlər yayılır və mən bunu təkzib edirəm”, – Neymar sosial şəbəkə hesabının hekayə bölməsində yazıb.
O, insanların reallıqdan çox məşhur adlarla bağlı səs-küyə maraq göstərməsindən təəssüfləndiyini qeyd edib. Futbolçu bildirib ki, komandası artıq mövqeyini açıqlayıb, lakin aydınlıq gətirmək üçün özü də paylaşım etməli olub. Neymar sözlərini poker oynamağa rahat buraxılmasını xahiş etməklə tamamlayıb.
“Metropoles” nəşri daha əvvəl Neymarla “Real Madrid”in hücumçusu Vinisius Juniorun keçmiş sevgilisi Virciniya Fonsekanın “Formula-1” üzrə Braziliya Qran-prisindən əvvəl təşkil olunan qapalı poker gecəsində öpüşdüyünü iddia etmişdi.