Kremlin sözçüsü Dmitri Peskov jurnalistlərə açıqlamasında Rusiya Prezidenti Vladimir Putin və ABŞ Prezidenti Donald Tramp arasında yeni telefon danışığı və ya görüş keçirilməsinin hazırda planlaşdırılmadığını bildirib.
“Operativ Məlumat Mərkəzi – OMM” xəbər verir ki, Peskovun açıqlaması ABŞ Mərkəzi Kəşfiyyat İdarəsinin direktoru Con Retkliffin avqustun 25-də Moskvaya səfərindən sonra səslənib. Retkliffin səfəri zamanı Rusiya kəşfiyyat rəsmiləri ilə görüşlər keçirdiyi, lakin Vladimir Putinlə birbaşa görüşmədiyi bildirilib.
ABŞ Prezidenti Donald Tramp isə Retkliffin Moskva səfərini “yarı rutin” xarakterli səfər kimi qiymətləndirib. Bununla yanaşı, səfərin Rusiya-Ukrayna müharibəsi və digər təhlükəsizlik məsələləri ilə bağlı təmaslar çərçivəsində baş verdiyi bildirilir.
Moskva və Vaşinqton arasında Ukrayna məsələsi ilə bağlı diplomatik təmaslar davam etsə də, tərəflərin münaqişənin həlli istiqamətindəki danışıqları hələlik ciddi nəticə verməyib. ABŞ administrasiyası isə Ukraynadakı müharibənin sona çatdırılması üçün diplomatik səyləri davam etdirir.
