Afət Ziyadqızı
Rusiya Prezidenti Vladimir Putin Çin lideri Si Cinpin və Hindistanın Baş naziri Narendra Modinin Ukraynada münaqişənin nizamlanmasına töhfə verməyə hazır olmasını müsbət qarşılayıb.
“Operativ Məlumat Mərkəzi-OMM” xəbər verir ki, bu barədə Rusiya liderinin mətbuat katibi Dmitri Peskov bəyan edib.
Məlumata görə, Yeni Dehlidə keçirilən təmaslar zamanı xarici liderlər Ukrayna məsələsi ilə yaxından maraqlanıb və zərurət yaranacağı təqdirdə ölkələrinin münaqişənin nizamlanmasında rol oynamağa hazır olduğunu bildiriblər. Kremlin sözçüsü Peskov qeyd edib ki, bu təşəbbüslər Prezident Putin tərəfindən çox müsbət qarşılanıb.
Bildirilib ki, Putin ikitərəfli görüşlər çərçivəsində tərəfdaşlarına münaqışənin nizamlanması prosesindəki son vəziyyət barədə ətraflı məlumat təqdim edib.
