OMM Redaksiyası
Fransa millisinin və Münhenin "Bavariya" klubunun hücumameyilli yarımmüdafiəçisi Maykl Olise karyerasını vətənində davam etdirə bilər.
"Operativ Məlumat Mərkəzi-OMM" "Fichajes" nəşrinə istinadən xəbər verir ki, Paris təmsilçisi PSJ gənc ulduzu heyətinə qatmaq üçün ciddi addımlar atmağa hazırlaşır.
Paris klubunun rəhbərliyi 22 yaşlı vingerin transferi üçün Almaniya nəhənginə 180 milyon avro təklif etməyi planlaşdırır. Bu addım PSJ-nin transfer bazarında nə qədər iddialı olduğunu göstərir. Lakin parislilərin işi heç də asan olmayacaq.
Belə ki, futbolçu ilə uzun müddətdir maraqlanan və onu heyətinə qatmaq istəyən digər bir nəhəng klub "Real Madrid"dir.
Fransalı futbolçunun yüksək transfer qiyməti onun meydandakı effektiv performansı ilə bağlıdır. Ötən mövsüm "Bavariya"nın heyətində 52 rəsmi matça çıxan Olise inanılmaz nəticələr nümayiş etdirib:
- Qol sayı: 22
- Məhsuldar ötürmə: 31
Hazırda "Transfermarkt" portalı oyunçunun bazar dəyərini 150 milyon avro olaraq qiymətləndirir. "PSJ"-nin təklif etdiyi 180 milyon avroluq rəqəm isə bu məbləğdən xeyli yüksəkdir ki, bu da transferin baş tutma ehtimalını artırır.
