Dayanma, durma və parklanma qaydalarının pozulmasına görə yol polisi tərəfindən protokolun surətinin təqdim edilməsi qaydası dəyişdirilir.
“Operativ Məlumat Mərkəzi-OMM”-in məlumatına görə, bu barədə "Yol hərəkəti haqqında" qanuna təklif edilən dəyişikliklərdə deyilir.
Təklif olunan dəyişikliklərə əsasən, qayda pozuntularına görə İnzibati Xətalar Məcəlləsində nəzərdə tutulmuş qaydada tərtib edilən inzibati xəta haqqında qərarın surətinin nəqliyyat vasitəsinin ön şüşəsinə qoyulması tələbi aradan qaldırılır.
Qeyd olunub ki, bu sənədlərin çatdırılması real vaxt rejimində həyata keçirildiyi üçün kağız formatın aradan qalxması zərurətindən yaranıb.
