"26 Aİ ölkəsi Gürcüstana qarşı sanksiyaları təsdiqləməyə hazırdır, lakin üzv dövlətlərdən biri onları bloklayır".
“Operativ Məlumat Mərkəzi-OMM” xəbər verir ki, bu sözləri Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas deyib.
"Ümumi əhval-ruhiyyə barədə soruşsanız, müsbət cavab verə bilərəm. Məsələn, müxalifətə və ya azad mediaya qarşı çıxış edənlərə qarşı sanksiyalar məsələsini qaldırdığımız zaman 26 ölkə bizi dəstəklədi və yalnız biri buna qarşı çıxdı", - o qeyd edib.
Kallas sözügedən ölkənin adını çəkməyib.
Qeyd edək ki, 2024-cü ilin may ayında Gürcüstan parlamenti Xarici Təsirlərin Şəffaflığı haqqında Qanunu qəbul edib və bundan sonra ölkənin Aİ və ABŞ ilə münasibətləri pisləşməyə başlayıb.
Avropa İttifaqı dəfələrlə Gürcüstan hakimiyyətini bu qanundan imtina etməyə çağırıb, lakin hakim Gürcü Arzusu – Demokratik Gürcüstan partiyasının liderləri ardıcıl olaraq qanunun Gürcüstanda fəaliyyət göstərən qeyri-hökumət təşkilatlarının maliyyə axınlarının şəffaflığını təmin etmək üçün nəzərdə tutulduğunu iddia ediblər.
Xatırladaq ki, 26 oktyabr 2024-cü ildə Gürcü Arzusu – Demokratik Gürcüstan partiyası seçkilərdə qalib gələrək səslərin 53,93%-ni və parlamentdəki 150 yerdən 89-nu qazanıb.
28 noyabr 2024-cü ildə Gürcü Arzusu Aİ üzvlüyü danışıqlarını 2028-ci ilə qədər dayandırmaq və Aİ tərəfindən verilən bütün büdcə qrantlarından imtina etmək qərarına gəldi.Read on: Հայերեն
