OMM Redaksiyası
Azərbaycanın beş cüdoçusu oktyabrın 31-dən noyabrın 1-dək İordaniyanın paytaxtı Ammanda keçiriləcək gənclər arasında Asiya Kubokunda çıxış edəcək.
Azərbaycan Cüdo Federasiyasının məlumatına görə, ölkəni dörd çəki dərəcəsində beş gənc qız cüdoçu təmsil edəcək. 48 kq çəki dərəcəsində Gülşən Hüseynova və Gülgəz Musayeva, 52 kq-da Çinarə Sadıqova, 57 kq-da Aytən Verdiyeva, 63 kq-da isə Ayan Əliyeva yarışacaq.
Azərbaycan idmançıları turnirə gənc qızlardan ibarət millinin böyük məşqçisi Saşa Herkenrat-Vimar və yeniyetmə qızlardan ibarət yığmanın baş məşqçisi Elnur İsmayılovun rəhbərliyi altında qatılacaqlar.
Beynəlxalq yarışda ümumilikdə 19 ölkədən 140 cüdoçu mübarizə aparacaq.
