Nigeriyanın cənub bölgəsində neft oğurluğu cəhdi zamanı ağır insident baş verib. Hadisə nəticəsində 37 nəfərin həyatını itirdiyi bildirilir.
“Operativ Məlumat Mərkəzi-OMM” xəbər verir ki, ilkin məlumatlara görə, şəxslər neft kəmərindən qanunsuz xam neft götürməyə çalışarkən sızan qazdan zəhərləniblər.
Məlumata görə, hadisə “Okari İskelesi”ndə gəmiyə neft yüklənməsi zamanı baş verib. Şübhəli şəxslərin yüksək təzyiq altında nefti kiçik qayıqlara köçürməyə çalışdıqları bildirilir.
Polis sözçüsü Kaborlo Agabe hadisəni təsdiqləyərək araşdırmalara başlanıldığını açıqlayıb. Hüquq-mühafizə orqanları şəxslərin neft oğurluğu zamanı öldüyünü bildirsələr də, ölənlərin dəqiq sayı hələ rəsmi şəkildə təsdiqlənməyib.
Hadisə yerindən daxil olan məlumatlarda çayda cəsədlərin olduğu və itkin düşən şəxslərin də ola biləcəyi qeyd olunur.
Nigeriya Təhlükəsizlik və Mülki Müdafiə Birliyi isə yayılan 37 nəfərlik ölüm sayının hələlik rəsmi təsdiqini tapmadığını və hadisənin bütün detallarının araşdırıldığını bildirib.
