OMM Redaksiyası
NATO və Ukrayna arasında Kiyevin Alyansın DIANA proqramına çıxışını təmin edəcək anlaşma memorandumu imzalanıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, memorandumun əsas məqsədi mülki sahədə hazırlanmış texnologiyaların hərbi ehtiyaclara uyğunlaşdırılması, eləcə də ikili təyinatlı texnologiyaların hazırlanması, maliyyələşdirilməsi və tətbiqinə dəstək göstərilməsidir.
NATO-nun DIANA fondu ilə Ukrayna Müdafiə Nazirliyi arasında imzalanan sənəd Ukrayna şirkətləri və startaplarına Alyansa üzv ölkələrdə keçirilən tenderlərdə iştirak etmək, qrantlar əldə etmək və 200-dən çox sınaq poliqonundan istifadə etmək imkanı yaradacaq.
Qeyd edək ki, DIANA (Defence Innovation Accelerator for the North Atlantic) NATO-nun müdafiə innovasiyalarının inkişafını dəstəkləyən təşəbbüsüdür.
