Son 20 ildə dünyada nə qədər jurnalist öldürülüb?

Son 20 il ərzində dünyada 1 600-dən çox jurnalist qətlə yetirilib.

“Operativ Məlumat Mərkəzi-OMM” xəbər verir ki, bu məlumat UNESCO-nun yeni hesabatında bildirilib.

Bildirilib ki, UNESCO-nun 2006-cı ildən etibarən apardığı sistemli monitorinq nəticəsində indiyədək dünyada 1 641 jurnalistin öldürüldüyü qeydə alınıb. Bu, orta hesabla hər dörd gündə bir jurnalistin həyatını itirməsi deməkdir.

Qeyd olunub ki, jurnalistlərin ölümünün əsas səbəbi silahlı münaqişələrdir. Son iki ildə silahlı münaqişələrin olmadığı ölkələrdə jurnalist qətllərinin sayı son 18 ilin ən aşağı səviyyəsinə düşüb. Bu müddətdə həmin ölkələrdə 62 jurnalist öldürülüb.

UNESCO qadın jurnalistlərin qətlə yetirilməsi hallarının da azaldığını qeyd edib. Bununla yanaşı, 25-29 yaşlı media əməkdaşları arasında ölüm hallarının artdığı bildirilib.