"İranla müharibənin böyük hissəsində Amerika hərbçiləri faktiki olaraq döyüş əməliyyatlarında iştirak etməyiblər".
“Operativ Məlumat Mərkəzi-OMM” xəbər verir ki, bu sözləri ABŞ Prezidenti Donald Tramp deyib.
O bildirib ki, ABŞ qüvvələri İrana bir neçə dəfə güclü zərbələr endirdikdən sonra əməliyyatları dayandıraraq vəziyyəti müşahidə edib.
"Hazırda döyüş əməliyyatları aparmırıq. Bu müharibənin böyük hissəsində, əslində, heç döyüşməmişik. Onlara bir neçə dəfə çox güclü zərbələr endirdik, sonra dayandıq və baş verənləri izlədik", -Tramp bildirib.
ABŞ lideri həmçinin Vaşinqtonun İranda hakimiyyət dəyişikliyinə artıq iki dəfə nail olduğunu iddia edib.
Bundan əlavə, Tramp ABŞ administrasiyasının İranın nüvə silahına sahib olmamalı olduğu barədə mövqeyini bir daha təkrarlayıb.
