OMM Redaksiyası
Bu həftənin əvvəlində Londonda 2026-cı ilin “Qızıl top” mükafatlarının təqdimetmə mərasimi keçirilib. Dünyanın ən yaxşı futbolçusuna verilən mükafatla yanaşı, mərasimdə digər nominasiyalar üzrə qaliblər də açıqlanıb.
Dünyanın ən yaxşı məşqçisi mükafatına İspaniya millisinin baş məşqçisi Luis de la Fuente layiq görülüb. Onun rəhbərliyi altında İspaniya 2026-cı il dünya çempionatının qalibi olub.
Səsvermənin tam nəticələri oktyabrın 30-da, cümə günü açıqlanıb. Luis de la Fuente 167 xal toplayaraq “PSJ”nin baş məşqçisi Luis Enrikeni 50 xal qabaqlayıb. Enrike 117 xalla ikinci olub.
“Arsenal”ın baş məşqçisi Mikel Arteta 15 xal, “Aston Villa”nın çalışdırıcısı Unay Emeri isə 1 xal qazanıb. “Bavariya”nın baş məşqçisi Vensan Kompani səsvermədə heç bir xal toplaya bilməyib.
