Luis Enrike PSJ tarixində ən çox qələbə qazanan məşqçi oldu

İspaniyalı mütəxəssis Luis Enrike PSJ tarixində ən çox qələbə qazanan baş məşqçi olub. Paris klubu onun rəhbərliyi altında bütün turnirlərdə keçirdiyi 188 matçın 127-də qalib gəlib. Əvvəlki rekord Loran Blana məxsus idi: o, PSJ ilə 126 qələbə əldə etmişdi.

Luis Enrike rekorda Fransa Liqasının 9-cu turunda “Havr” üzərində 5:1 hesablı qələbədən sonra imza atıb. Görüş oktyabrın 30-da baş tutub. Matçın 18-ci dəqiqəsində Mayya “Havr”ı önə keçirib, Qodts 26-cı dəqiqədə hesabı bərabərləşdirib. Əşrəf Hakimi 28, 55 və 69-cu dəqiqələrdə fərqlənib, Mayulu isə 62-ci dəqiqədə PSJ-nin beşinci qolunu vurub.

56 yaşlı Luis Enrike PSJ-yə 2023-cü ilin yayından rəhbərlik edir. Məşqçinin klubla hazırkı müqaviləsi 2030-cu ilin yayına qədər qüvvədədir.

Loran Blan 2013–2016-cı illərdə Paris komandasının baş məşqçisi olub. 60 yaşlı fransalı 2024-cü ilin yayından 2025-ci ilin sentyabrına qədər “Əl-İttihad”ı çalışdırıb.