Afət Ziyadqızı
Rusiyanın xarici işlər naziri Sergey Lavrov Türkiyə mediasına verdiyi müsahibədə bildirib ki, Suriyada formalaşan yeni hökumət artıq keçmiş Prezident Bəşər Əsədin məhkəməyə verilməsi məsələsini gündəmə gətirmir.
“Operativ Məlumat Mərkəzi–OMM” xəbər verir ki, Lavrovun sözlərinə görə, bu mövzu uzun müddətdir qaldırılmır.
Nazir qeyd edib ki, Suriya tərəfi Prezident Əsəd və ailəsinin 2024-cü ilin dekabr ayında Rusiya Federasiyasına gəlişi ilə bağlı vəziyyətdən tam məlumatlıdır. Onun sözlərinə görə, həmin dövrdə Suriya tammiqyaslı müharibə, intensiv şəhər döyüşləri və yüksək gərginlik şəraitində olub.
Lavrov vurğulayıb ki, Bəşər Əsəd dərhal həyatı üçün ciddi təhlükə ilə üz-üzə qalıb və məhz bu səbəbdən, sırf humanitar məqsədlərlə ona sığınacaq verilib.
