OMM Redaksiyası
Rusiyanın xarici işlər naziri Sergey Lavrovun rəhbərlik etdiyi nümayəndə heyəti G20 ölkələrinin xarici işlər nazirlərinin görüşündə iştirak etmək məqsədilə ABŞ-yə gedib.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
Bildirilib ki, Rusiya hökumətinə məxsus təyyarə ABŞ-nin Corciya ştatının paytaxtındakı hava limanına eniş edib.
Oktyabrın 30-31-də keçiriləcək G20 xarici işlər nazirlərinin görüşü dekabrın 14-15-də Mayamidə baş tutacaq G20 sammiti ərəfəsində təşkil olunur.
Qeyd olunub ki, Lavrovun bu səfəri xüsusi əhəmiyyət daşıyır. Belə ki, 2026-cı ildə Alyaskanın Ankoric şəhərində keçirilən sammit istisna olmaqla, son yeddi ildə Rusiyanın xarici işlər naziri ABŞ-yə yalnız Nyu-Yorkda Birləşmiş Millətlər Təşkilatının tədbirlərində iştirak etmək məqsədilə səfər edib.
Lavrovun Nyu-Yorkdan kənara ABŞ-yə sonuncu səfəri 2019-cu ilin dekabrında baş tutub. Həmin vaxt o, ikitərəfli danışıqlar aparmaq üçün Vaşinqtona gedib.
Bundan əvvəl Kremlin sözçüsü Dmitri Peskov Rusiya Prezidenti Vladimir Putinin Mayamidə keçiriləcək G20 sammitində şəxsən iştirak edib-etməyəcəyi ilə bağlı qərarın hələ verilmədiyini bildirib. ABŞ Prezidenti Donald Tramp isə Putini sammitdə görmək istədiyini və bunun onun üçün arzuolunan olduğunu bəyan edib.
