OMM Redaksiyası
“Real Madrid” və Fransa millisinin hücumçusu Kilian Mbappe Çində mənfi reaksiyaya səbəb olan fikirlərinə görə rəsmi şəkildə üzr istəyib. O, sosial şəbəkədə paylaşdığı açıqlamada sözlərinin Çində və dünyanın müxtəlif yerlərində yaşayan Çin icmalarının üzvlərini incitdiyini qeyd edib.
“Bu yaxınlarda verdiyim müsahibə zamanı öz təsvirimin olduğu görüntüyə reaksiya verdim. Şərhim düşünülməmişdi və indi anlayıram ki, bu, Çində və dünyanın müxtəlif yerlərindəki Çin icmalarında bir çox insanı incitdi.
Sözlərimdən narahat olan hər kəsdən üzr istəyirəm. Bu, qətiyyən niyyətim deyildi. Çin xalqına və onun tarixinə dərin hörmət bəsləyirəm və baş verənlərə görə səmimi təəssüf edirəm”, – Mbappe bildirib.
