Afət Ziyadqızı
İran rəsmisi müqavimət cəbhəsinin daha da gücləndiyini bəyan edib.
"Operativ Məlumat Mərkəzi-OMM"xəbər verir ki, bu barədə “Tasnim” agentliyi məlumat yayıb.
Bildirilib ki, İslam İnqilabı Keşikçiləri Korpusunun (SEPAH) Qüds Qüvvələrinin komandanı, briqada generalı İsmayıl Qaani müqavimət cəbhəsinin hazırda əvvəlkindən daha vahid və əlaqəli olduğunu qeyd edib.
Qeyd olunub ki, o, sosial media hesabında paylaşdığı mesajda birlik və həmrəyliyin daha da gücləndiyini vurğulayıb.
Məlumata görə, Qaani hazırda diqqətin Livan "Hizbullah"ı da daxil olmaqla, müqavimət cəbhəsinin əsas komponentlərinə dəstəyin davam etdirilməsinə yönəldiyini bildirib.
Bildirilib ki, o, həmçinin sionist rejimin son onilliklərdə qarşıya qoyduğu məqsədlərə heç bir müharibədə tam nail ola bilmədiyini iddia edib.
Qeyd edilib ki, Qaani Livanın cənubunda baş verən hadisələrin bu uğursuzluqların davamı olduğunu vurğulayıb.
