İran silahlı qüvvələri təhlükəsizliyin təmin olunması üçün görülən tədbirləri zəruri olduğu müddətdə davam etdirəcək.
"Operativ Məlumat Mərkəzi-OMM"xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi açıqlama verib.
Onun sözlərinə görə, İsrail və ya ABŞ Livanda atəşkəsə səbəb olan razılaşmaları pozarsa, diplomatik prosesin davam etməsi mümkün olmayacaq.
İsmayıl Bəqayi Beynəlxalq Atom Enerjisi Agentliyinin (MAQATE) baş direktoru Rafael Qrossinin İranın nüvə proqramı ilə bağlı mövqeyini də tənqid edib. O, Qrossinin yanaşmasını "siyasi və məsuliyyətsiz" adlandırıb.
Nazirlik sözçüsü bildirib ki, İranın nüvə proqramı ilə bağlı yaranmış mövcud vəziyyətə görə əsas məsuliyyət ABŞ və İsrailin üzərinə düşür.
