Afət Ziyadqızı
İran ABŞ-nin nüvə obyektlərinə qarşı təhdidlərini pisləyib.
“Operativ Məlumat Mərkəzi-OMM” xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi açıqlama verib.
Bəqai ABŞ-nin İranın dinc məqsədli nüvə obyektlərinə qarşı davam edən hücum və təhdidlərini kəskin şəkildə pislədiklərini bildirib. Onun sözlərinə görə, rəsmi Tehran bu addımları beynəlxalq hüquq normalarının pozulması kimi qiymətləndirir.
İran rəsmisi, həmçinin Atom Enerjisi üzrə Beynəlxalq Agentliyin (MAQATE) Baş direktorunun agentliyin nəzarəti altında olan nüvə obyektlərinə qarşı hücumlarla bağlı nümayiş etdirdiyi susqunluğu tənqid edib.
Bəqayi vurğulayıb ki, beynəlxalq təşkilatın bu cür təhlükəli addımlara səssiz qalması qəbuledilməzdir.
