Afət Ziyadqızı
“BAEA-nın vəzifəsi İran və ABŞ arasında güc tətbiq etmədən razılaşma şərtlərini təmin etməkdir”.
“Operativ Məlumat Mərkəzi-OMM” xəbər verir ki, bunu BAEA-nın direktoru Rafael Qrossi bildirib.
“Əlbəttə ki, beynəlxalq təşkilat olaraq MAQATE heç bir hərbi planın bir hissəsi ola bilməz. Mənim işim daha çox sülh və beynəlxalq təhlükəsizliklə bağlıdır. Səylərim onların güc tətbiq etmədən məqsədlərinə çatmalarına imkan verəcək şərtlərin təmin edilməsinə yönəlib”, - deyə Qrossi vurğulayıb.
Bundan əvvəl İranın xarici işlər naziri Abbas Əraqçi İranın ABŞ ilə nüvə danışıqlarında MAQATE-nin mümkün rolunu müzakirə etdiyini və Tehranın təşkilatla məsləhətləşmələri davam etdirəcəyini bildirmişdi.
