“İmişli” futbol komandası latviyalı mütəxəssis Ervins Perkonsla rəsmi müqavilə imzalayıb.
Bir müddətdir baş məşqçi vəzifəsini müvəqqəti icra edən Perkonsla altı ay + iki il müddətinə razılaşma əldə olunub. Beləliklə, o, bölgə təmsilçisinin baş məşqçisi kimi fəaliyyətini davam etdirəcək.
Perkonsun müvəqqəti baş məşqçi olduğu dövrdə “İmişli” Azərbaycan Kubokunda “Qaradağ Lökbatan”ı 4:1 hesabı ilə məğlub edib. Misli Premyer Liqasının 12-ci turunda isə “Zirə” ilə oyun 2:2 hesabı ilə başa çatıb.