Afət Ziyadqızı
İran Parlamentinin sədri Məhəmməd Bağır Qalibaf və xarici işlər naziri Abbas Əraqçi Dohaya rəsmi səfərə gediblər. “Reuters” agentliyinin məlumatlı mənbəyə istinadən yaydığı xəbərə görə, səfərin əsas məqsədi Qətərin baş naziri ilə ABŞ və İran arasında mümkün razılaşma variantlarını müzakirə etməkdir.
Tərəflər regionda davam edən müharibənin dayandırılması üçün diplomatik imkanları nəzərdən keçirirlər. Mənbə bildirib ki, görüşdə regional təhlükəsizlik məsələləri ilə yanaşı, Tehran və Vaşinqton arasında əldə oluna biləcək anlaşmanın perspektivləri də müzakirə mövzusudur.
Qeyd edək ki, hələlik nə İran, nə də Qətər tərəfi keçirilən görüşün detalları ilə bağlı rəsmi məlumat yaymayıb.
