Ukrayna millisi Gürcüstanı Slovakiyanın Koşitse şəhərində qəbul edəcək

Ukrayna millisi Millətlər Liqasının VI turunda Gürcüstanla ev oyununu Slovakiyanın Koşitse şəhərində keçirəcək. Bu barədə Ukrayna Futbol Assosiasiyasının mətbuat xidməti məlumat yayıb.

Qarşılaşma noyabrın 17-də «Koşitse Futbol Arenası»nda olacaq. Bakı vaxtı ilə saat 23:45-də başlanacaq. Komandalar B Liqasının II qrupunda mübarizə aparırlar.

Ukrayna və Gürcüstan arasında ilk görüş qolsuz bərabərliklə başa çatıb – 0:0. Ukrayna millisi Gürcüstanla oyundan əvvəl, noyabrın 14-də Şimali İrlandiyanın qonağı olacaq.

Dörd turdan sonra Ukrayna dörd xalla qrupda üçüncü yerdədir. Gürcüstanın iki xalı var və komanda turnir cədvəlinin sonuncu pilləsində qərarlaşıb.