Ukrayna millisinin baş məşqçisi Andrea Maldera Millətlər Liqasının B Liqasının II qrupunda Gürcüstanla keçiriləcək VI tur matçı barədə danışıb. O, qarşılaşmanın hər iki komanda üçün vacib olduğunu qeyd edib.
“Gürcüstan çox yaxşı komandadır, buna görə matçın çətin keçəcəyini gözləyirəm. Amma indi danışmaq vaxtı deyil, oynamaq vaxtıdır. Bu görüşdə qalib gəlmək üçün əlimizdən gələni etməliyik”, – Maldera mətbuat konfransında deyib.
Ukrayna – Gürcüstan oyunu noyabrın 17-də keçiriləcək. Qarşılaşma Bakı vaxtı ilə saat 23:45-də başlayacaq.
Malderanın rəhbərliyi altında Ukrayna millisi ilk beş rəsmi matçında cəmi dörd xal toplayıb. Bu, Ukrayna millisinin tarixində baş məşqçilər arasında ən zəif başlanğıc nəticəsidir.