“Neftçi”nin yarımmüdafiəçisi Sessi D’Almeydanın çıxış etdiyi Benin millisi Afrika Millətlər Kubokunun seçmə mərhələsində Mərkəzi Afrika Respublikasına qalib gəlib. F qrupunun dördüncü turunun qarşılaşması Kamerunun Duala şəhərində keçirilib və 1:0 hesabı ilə başa çatıb.
D’Almeyda oyuna kapitan sarğısı ilə start heyətində başlayıb və əvəzlənmədən sonadək meydanda qalıb. Beninə üç xal qazandıran qolu Ede Oloko vurub. Hücumçu 89-cu dəqiqədə meydana daxil olub, 90+3-cü dəqiqədə isə fərqlənərək görüşün taleyini həll edib.
Qələbədən sonra dörd oyunda 10 xal toplayan Benin F qrupunda liderliyini qoruyub. Benin bir oyun az keçirən Burkina-Fasonu üç xal qabaqlayır.
Xalı olmayan Mərkəzi Afrika Respublikası isə bu nəticədən sonra Afrika Millətlər Kubokunun final mərhələsinə yüksəlmək şansını itirib.