UEFA Millətlər Liqasının 2026/2027 mövsümünün A Liqasının 2-ci qrupunda 6-cı turun mərkəzi qarşılaşması keçirilib. Almaniya millisi Berlindəki “Olimpiştadion”da Niderlandı 5:0 hesabı ilə məğlub edib. Görüşü Qlen Nüberqin rəhbərlik etdiyi İsveç hakimlər briqadası idarə edib.
Almaniya hesabı 41-ci dəqiqədə açıb. Deri Şerhant komandanın kapitanı Yoşua Kimmixin ötürməsindən sonra fərqlənib. Florian Virts 60-cı dəqiqədə meydan sahiblərinin üstünlüyünü artırıb.
Niko Şlotterbek 65-ci dəqiqədə, oyuna sonradan daxil olan Brayan Qrudanın ötürməsindən sonra üçüncü qolu vurub. Virts 71-ci dəqiqədə Qrudanın pasını qola çevirərək dubl edib. Qruda 78-ci dəqiqədə yekun hesabı müəyyənləşdirib.
Almaniya 11 xalla 2-ci qrupda birinci yeri tutub. Niderland və Yunanıstan müvafiq olaraq ikinci və üçüncü pillələrdə qərarlaşıb və eyni sayda xal toplayıblar.
Matç noyabrın 16-da, Bakı vaxtı ilə saat 23:45-də başlayıb.