Futbol üzrə Azərbaycan millisi beynəlxalq yoldaşlıq oyununda səfərdə Andorra seçməsini 3:1 hesabı ilə məğlub edib. Ayxan Abbasovun baş məşqçisi olduğu komanda Enkamp şəhərində keçirilən görüşdə qələbə qazanıb.
Azərbaycan millisinin heyətində Eşqin Əhmədov 2-ci, Musa Qurbanlı 47-ci, Toral Bayramov isə 70-ci dəqiqədə penaltidən fərqlənib. Andorra yığmasının yeganə qolunu Rikard Fernanded 55-ci dəqiqədə vurub.
Bu qarşılaşma kapitan Emin Mahmudov üçün Azərbaycan millisində sonuncu olub. O, yığmanın heyətində 66-cı oyununu keçirib.
Azərbaycan millisi bundan əvvəl, noyabrın 13-də UEFA Millətlər Liqasının səfər matçında Lixtenşteyni 1:0 hesabı ilə məğlub edib.