OMM Redaksiyası
“Atletiko”nun baş məşqçisi Dieqo Simeone Çempionlar Liqasının ümumi mərhələsinin ikinci turunda “Mançester Yunayted”lə keçiriləcək oyunla bağlı fikirlərini bölüşüb. Onun sözlərini “Marca” yayıb.
Argentinalı mütəxəssis bildirib ki, rəqib meydanın rəqibə aid hissəsində fəal pressinq edir və sürətli futbolçulara malikdir. Simeone qeyd edib ki, mövsümə heç-heçələrlə başlamasına baxmayaraq, “Mançester Yunayted” ötən mövsümlə müqayisədə eyni sayda qol epizodu yaradır.
Baş məşqçinin sözlərinə görə, “Atletiko” oyunun gedişini komandasının rəqibə zərər verə biləcəyi istiqamətə yönəltməyə çalışacaq.
“Atletiko” ilə “Mançester Yunayted” arasında görüş oktyabrın 13-də Madriddə keçiriləcək. Qarşılaşma Bakı vaxtı ilə saat 23:00-da başlayacaq.
