OMM Redaksiyası
“Qalatasaray”ın baş məşqçisi Okan Buruk UEFA Çempionlar Liqasının ümumi mərhələsinin ikinci turunda “Barselona” ilə keçiriləcək oyun barədə fikirlərini bölüşüb.
Mütəxəssis rəqibin gücünün və oyun tərzinin hamıya məlum olduğunu deyib. Burukun sözlərinə görə, “Qalatasaray” futbolçuları İstanbulda yaxşı formada olduqları vaxt böyük uğurlar qazanıblar. Baş məşqçi əsas məqsədlərinin qələbə olduğunu bildirib və “Barselona”nın favorit göstərilməsinə baxmayaraq, komandasının rəqibə qarşı mübarizə aparmağa, uğura inanmağa hazır olduğunu qeyd edib.
Buruk hücumda soyuqqanlı davranmağı və topa nəzarət etməyi vacib sayıb. O, “Barselona”nın bu mövsüm az qol buraxdığını və rəqibə öz oyununu qəbul etdirməyə çalışdığını vurğulayıb. Məşqçinin fikrincə, kataloniyalılar hər səhvi cəzalandıra bildiyi üçün “Qalatasaray” oyun ərzində səhvləri minimuma endirməlidir.
“Qalatasaray” – “Barselona” matçı oktyabrın 13-də keçiriləcək və Bakı vaxtı ilə saat 23:00-da başlayacaq.
