Azərbaycandilli yeni tətbiq gündəmin əsas hadisələrini bir araya gətirir, eyni hadisə haqqında yayımlanan xəbərləri birləşdirir, əsas məqamları qısa şəkildə təqdim edir və istifadəçilərə müxtəlif mənbələri bir səhifədə görmək imkanı yaradır
Azərbaycanda və dünyada baş verən hadisələri daha aydın, sürətli və təkrarsız izləməyə kömək edən Aktual xəbər tətbiqi App Store və Google Play-də istifadəyə verilib.
Gün ərzində ölkədə və dünyada çoxsaylı xəbərlər yayımlanır və istifadəçilər gündəmin əsas mövzularını müəyyənləşdirmək üçün müxtəlif xəbər saytlarının lentlərini ayrıca izləməli olurlar. Eyni zamanda, eyni hadisə haqqında bir neçə, bəzən onlarla media qurumunda oxşar materiallar dərc edilir.
Başlıqlar və təqdimat formaları fərqlənsə də, həmin materialların böyük hissəsi eyni hadisədən bəhs edir. Nəticədə istifadəçi həm hazırda nəyin həqiqətən aktual olduğunu müəyyənləşdirməli, həm də yeni məlumatı tapmaq üçün müxtəlif mənbələr arasında keçid etməli, eyni məlumatları təkrar oxumalı və hadisə ilə bağlı son olaraq nəyin dəyişdiyini özü aydınlaşdırmalı olur.
Aktual bu prosesi sadələşdirir. Tətbiq ölkədə və dünyada gündəmdə olan əsas hadisələri bir yerdə təqdim edir, müxtəlif media qurumlarının eyni hadisə haqqında yayımladığı xəbərləri vahid hadisə səhifəsində birləşdirir, əsas məqamları qısa xülasə şəklində göstərir, son yenilikləri önə çıxarır və istifadəçiyə mövzu ilə bağlı orijinal mənbələrə bir səhifədən keçmək imkanı yaradır.
“Məqsədimiz insanlara daha çox xəbər göstərmək deyil, baş verənləri daha az vaxtda və daha aydın anlamağa kömək etməkdir,” — deyə Aktual layihəsinin rəhbəri Elnur Mirzazada bildirib.
“Eyni hadisə haqqında müxtəlif mənbələrdə yayılan məlumatları bir araya gətirməklə istifadəçiyə həm ümumi mənzərəni, həm son dəyişiklikləri, həm də orijinal mənbələri bir yerdə təqdim edirik.”
Hadisənin ümumi mənzərəsi bir səhifədə
Aktualda istifadəçi yalnız bir xəbər başlığını deyil, hadisənin ümumi mənzərəsini görür. Hər hadisə səhifəsində əsas məqamlar, son dəyişikliklər, hadisənin inkişaf ardıcıllığı və mövzu haqqında material yayımlayan media mənbələri təqdim olunur.
İstifadəçi hadisə haqqında əsas məlumatı Aktualda nəzərdən keçirə, daha geniş materialı oxumaq istədikdə isə birbaşa xəbəri hazırlayan media qurumunun saytına keçə bilər.
Tətbiqin əsas imkanlarına daxildir:
• Bir hadisə, bütün mənbələr: eyni hadisəyə aid müxtəlif xəbərlər vahid səhifədə birləşdirilir.
• Qısa xülasə: hadisənin əsas məqamları sürətli oxu üçün yığcam şəkildə təqdim olunur.
• Son dəyişikliklər: istifadəçi əvvəlki məlumatları təkrar oxumaq əvəzinə hadisə ilə bağlı yeni məqamları görə bilir.
• Zaman xətti: davam edən hadisələrin necə inkişaf etdiyi ardıcıllıqla göstərilir.
• Səhər və axşam xülasələri: günün əsas hadisələri qısa icmal formatında təqdim olunur.
• Ağıllı bildirişlər: istifadəçilər vacib xəbərlər, seçilmiş mövzular və digər maraq dairələri üzrə bildirişlər ala bilirlər.
Aktual həmçinin istifadəçilərə maraq dairələrinə uyğun xəbər lentini formalaşdırmaq, materialları daha sonra oxumaq üçün saxlamaq və gündəlik istifadə üçün hava, valyuta məzənnələri, televiziya və radio kimi əlavə alətlərdən yararlanmaq imkanı verir.
Gündəm bir neçə dəqiqəyə
Aktualın gündəlik xülasə funksiyası xəbərləri fasiləsiz izləməyə vaxtı olmayan istifadəçilər üçün hazırlanıb.
Səhər xülasəsində son 24 saatın əsas hadisələri, axşam xülasəsində isə gün ərzində baş verən və dəyişən mühüm məqamlar bir araya gətirilir.
Beləliklə, istifadəçi onlarla ayrı xəbər səhifəsini nəzərdən keçirmədən ölkədə və dünyada hazırda nələrin aktual olduğu və gündəmin əsas istiqamətləri haqqında qısa müddətdə ümumi təsəvvür əldə edə bilir.
Mənbələri əvəz etmir, onlara aparan yolu sadələşdirir
Aktual müstəqil rəqəmsal məhsuldur və xəbər redaksiyalarının materiallarını əvəz etmək məqsədi daşımır.
Platforma müxtəlif media mənbələrində dərc olunan məlumatları hadisələr üzrə sistemləşdirir, istifadəçiyə qısa kontekst təqdim edir və daha ətraflı məlumat üçün onu orijinal xəbər mənbəsinə yönləndirir.
Bu yanaşma istifadəçilərə eyni hadisənin müxtəlif media qurumları tərəfindən necə təqdim olunduğunu görməyə, məlumatları müqayisə etməyə və xəbərin orijinal mənbəsinə daha rahat çatmağa imkan yaradır.
iOS və Android-də əlçatandır
Aktualı App Store və Google Play üzərindən pulsuz yükləmək mümkündür.
Tətbiqin əsas xəbər funksiyaları bütün istifadəçilər üçün əlçatandır. Daha geniş funksionallıq və əlavə imkanlar isə Aktual Pro abunəliyi çərçivəsində təqdim olunur.
Yükləmə linki
