Fransanın nüvə enerjisi ilə işləyən təyyarədaşıyan gəmisi Charles de Gaulle (aircraft carrier) Süveyş kanalının cənubuna və Qırmızı dəniz istiqamətinə doğru hərəkət edir.
"Operativ Məlumat Mərkəzi-OMM"xəbər verir ki, bu addım Hörmüz boğazında təhlükəsiz naviqasiyanın bərpasına yönəlmiş mümkün müdafiə missiyasına hazırlıq kimi qiymətləndirilir.
Fransa Silahlı Qüvvələr Nazirliyi bildirib ki, gəminin məqsədi ABŞ və İsrail münaqişəsi fonunda faktiki olaraq riskli hala düşən strateji su yolunda hərəkət təhlükəsizliyini təmin etməkdir. Qeyd olunur ki, Hörmüz boğazı dünya neft daşımalarının təxminən 20 faizinin keçdiyi mühüm marşrutdur.
Fransa Prezidenti Emmanuel Makron və Böyük Britaniyanın Baş naziri Kir Starmer boğazda naviqasiya azadlığının bərpası üçün çoxmillətli müdafiə missiyasına rəhbərlik edirlər.
Məlumata görə, bu missiyanın tam müdafiə xarakterli olduğu və yalnız müharibədən sonra yerləşdiriləcəyi bildirilir.
Makron sosial şəbəkədə bildirib ki, bu təşəbbüs gəmi sahibləri və sığortaçılar arasında etimadın bərpasına kömək edə bilər və daha geniş diplomatik danışıqlara şərait yarada bilər.
Fransa Prezidenti həmçinin İran Prezidenti Məsud Pezeşkian ilə bu məsələni müzakirə etdiyini, eyni zamanda ABŞ Prezidenti Donald Tramp ilə də danışmaq niyyətində olduğunu bildirib.
Makronun sözlərinə görə, Hörmüzdə sabitliyin bərpası nüvə, ballistik və regional məsələlər üzrə danışıqların irəliləməsinə şərait yarada bilər.
