Ekvador hökuməti ölkədəki ciddi daxili qarışıqlıqları və təhlükəsizlik problemlərini əsas gətirərək, 10 əyalət və 3 yaşayış məntəqəsində fövqəladə vəziyyət (OHAL) elan edib.
"Operativ Məlumat Mərkəzi-OMM" xəbər verir ki, dövlət başçısı Daniel Noboanın imzaladığı müvafiq fərmana əsasən, bu rejim 60 gün müddətində qüvvədə olacaq.
Rəsmi sənəddə qeyd olunur ki, fövqəladə vəziyyət rejimi təhlükəsizlik qüvvələrinə daxili sabitliyi bərpa etmək, ictimai asayişi qorumaq və vətəndaşların təhlükəsizliyini təmin etmək üçün geniş səlahiyyətlər verir. Bu addım xüsusilə aşağıdakı məqsədlərə xidmət edir:
- Halkın hüquq və azadlıqlarına təhdid yaradan cinayətkar qruplaşmalarla mübarizə;
- Yasa dışı fəaliyyətlərin qarşısının alınması;
- Regionlarda nəzarətin gücləndirilməsi.
Bundan əlavə, fərman mənzil toxunulmazlığı hüququnu müvəqqəti olaraq məhdudlaşdırır. Bu, hüquq-mühafizə orqanlarına cinayət fəaliyyəti şübhəsi olan evlərə və digər özəl mülklərə məhkəmə qərarı olmadan daxil olmaq imkanı yaradır.
Qeyd edək ki, Prezident Noboa hakimiyyəti dövründə artan şiddət hadisələri səbəbindən artıq üç dəfə fövqəladə vəziyyət elan etmək məcburiyyətində qalıb.
Ekvador Daxili İşlər Nazirliyinin statistikasına görə, 2025-ci il ölkə tarixində ən yüksək cinayət göstəricisi ilə yadda qalıb – il ərzində təxminən 9 300 qətl hadisəsi qeydə alınıb.
Bu rəqəmlər Ekvadoru cinayət nisbətinə görə Latın Amerikasının ən təhlükəli ölkələri siyahısında ön sıralara çıxarıb.
