OMM Redaksiyası
İran parlamentinin sədri Məhəmməd Bağır Qalibaf ABŞ-lə müharibənin dayandırılmasına dair danışıqlarda irəliləyişin Tehranın irəli sürdüyü yeddi şərtin qəbul edilməsindən asılı olduğunu bildirib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
"İranın şərtləri vasitəçilərə dəfələrlə və açıq şəkildə çatdırılıb. Təzyiq və təşviqə əsaslanan yanaşma İrana təsir etmir. Danışıqlarda irəliləyiş yalnız İranın yeddi şərtinin qəbul edilməsi halında mümkün olacaq", - o yazıb.
Müxtəlif KİV-lərin məlumatına görə, İranın müharibənin dayandırılması üçün irəli sürdüyü şərtlərə bütün cəbhələrdə hərbi əməliyyatların dayandırılması, ABŞ-nin iqtisadi və neft sanksiyalarının ləğvi, dondurulmuş İran aktivlərinin sərbəst buraxılması və dəniz blokadasının aradan qaldırılması daxildir. Tehran həmçinin müharibə nəticəsində dəymiş ziyana görə kompensasiya ödənilməsini, ABŞ-nin İranın daxili işlərinə müdaxiləsinə son qoyulmasını, eləcə də İranın Hörmüz boğazında təhlükəsizliyin təmin edilməsi və boğaza nəzarətdə rolunun tanınmasını tələb edir.
