OMM Redaksiyası
İngiltərənin "Liverpul" klubunun argentinalı yarımmüdafiəçisi Aleksis Mak Allister karyerasını İspaniyada davam etdirə bilər.
"Operativ Məlumat Mərkəzi-OMM" "Ole" nəşrinə istinadən xəbər verir ki, futbolçunun xidmətində Madridin "Atletiko" klubu ciddi maraqlıdır.
Komandanın baş məşqçisi Dieqo Simeone argentinalı oyunçunu öz heyətində görməkdə israrlıdır.
Mütəxəssis Mak Allisterin oyun üslubunun komandasına uyğun olduğunu düşünür və rəhbərlikdən bu transferin reallaşdırılmasını tələb edir.
Qeyd edək ki, futbolçu uğrunda mübarizə yalnız "Atletiko" ilə məhdudlaşmır. İspaniyanın digər nəhəng klubu "Real Madrid" də yarımmüdafiəçini transfer etmək niyyətindədir.
Hazırda oyunçunun bazar dəyəri 80 milyon avro civarında qiymətləndirilir. Xatırladaq ki, Mak Allisterin "Liverpul" ilə hazırkı müqaviləsi 2028-ci ilin yayına qədər qüvvədədir.
