OMM Redaksiyası
Almaniya Futbol İttifaqının (DFB) prezidenti Bernd Noyendorf Canni İnfantinonun FİFA rəhbəri vəzifəsindən getməli olduğunu deyib. O, qurumun hazırkı rəhbərinin futbol üçün ciddi zərər yaratdığını və daha bu posta uyğun olmadığını bildirib.
Noyendorfun sözlərinə görə, İnfantino FİFA-ya on ildir rəhbərlik edir və təşkilatda əsaslı dəyişiklik tələb edən idarəçilik mədəniyyəti formalaşdırıb. DFB prezidentinin fikrincə, mövcud vəziyyətə görə məsuliyyət daşıyan şəxsin zəruri islahat prosesinə rəhbərlik etməsi düzgün deyil.
“Onu meydandan kənarlaşdırmalıyıq. Canni İnfantino artıq FİFA prezidenti vəzifəsinə uyğun namizəd deyil. O, futbola böyük zərər vurub”, – Noyendorf bildirib. O, fikrini “toyuq hinində tülkünü başçı qoymaq olmaz” ifadəsi ilə də əsaslandırıb.
İnfantino daha əvvəl dünya çempionatının yayım hüquqlarının bir hissəsinin özəl investorlara satılması layihəsini irəli sürmüşdü. Bu təklif geniş tənqidlərdən sonra geri götürülüb. Noyendorfun açıqlamasını “Tagesspiegel” yayıb.
