İngiltərəli futbolçu Ceydon Sanço karyerasında üçüncü dəfə Dortmund "Borussiya"sının formasını geyinməyə hazırlaşır.
"Operativ Məlumat Mərkəzi-OMM" "Sky Germany" nəşrinə istinadən xəbər verir ki, "Çelsi" və "Aston Villa" klublarındakı qeyri-sabit çıxışlarından sonra vinger yenidən Almaniya Bundesliqasına qayıtmaq qərarına gəlib.
Futbolçu artıq keçidlə bağlı ilkin razılığını verib. Klubun baş məşqçisi Niko Kovaç hücum xəttini gücləndirmək məqsədilə bu transferi təsdiqləyib.
Bununla belə, yekun qərar hələ ki, "Borussiya" rəhbərliyi tərəfindən verilməyib.
