OMM Redaksiyası
“Mançester Yunayted” yanvar transfer pəncərəsi öncəsi hücum xəttini gücləndirmək üçün mümkün namizədləri dəyərləndirir.
"Operativ Məlumat Mərkəzi-OMM" xəbər verir ki, klubun skautları tərəfindən izlənilən futbolçular arasında Dortmund “Borussiya”sının hücumçusu Seru Girassi də yer alır.
Girassi daha əvvəl də klubun gündəmində olub
30 yaşlı forvard uzun müddətdir “Mançester Yunayted”in diqqət mərkəzindədir. İngiltərə klubu onun namizədliyini 2023-cü ildə də nəzərdən keçirib, lakin sonda “Atalanta”dan Rasmus Höylunnu transfer edib.
Girassi 2024-cü ildə Dortmund “Borussiya”sına keçib. O, Almaniya klubunun heyətində keçirdiyi 102 matçda 64 qol vurub.
“Borussiya” hücumçunu saxlamaq istəyir
Dortmund təmsilçisi çempionluq uğrunda mübarizədə Girassiyə güvəndiyi üçün heyətini zəiflətmək niyyətində deyil.
Hücumçu cari mövsümün əvvəlində keçirdiyi 4 oyunda 4 qol vurub və 2 məhsuldar ötürmə edib.
