OMM Redaksiyası
Noyabrın 1-də Argentina çempionatının 15-ci turu çərçivəsində “Boka Xuniors” doğma meydanda “River Pleyt”i qəbul edib. Görüş ev sahiblərinin 1:0 hesablı qələbəsi ilə başa çatıb.
Matçın yeganə qolunu 27-ci dəqiqədə Lautaro Di Lolyo vurub. Həmin vaxt “River Pleyt” azlıqda mübarizə aparırdı: komandanın futbolçusu Lukas Martines Kuarta 10-cu dəqiqədə birbaşa qırmızı vərəqə alaraq meydandan qovulmuşdu.
Qonaqlar oyunu doqquz nəfərlə tamamlayıblar. 79-cu dəqiqədə Qonsalo Montiel də meydandan qovulub və “River Pleyt” matçın qalan hissəsində iki futbolçu azlıqda oynayıb. Görüşdə daha qol vurulmayıb, beləliklə, “Boka Xuniors” 1:0 hesablı qələbə qazanıb.
