OMM Redaksiyası
“Napoli”nin idman direktoru Covanni Manna klubun “Real”ın vingeri Franko Mastantuonoya maraq göstərdiyini açıqlayıb. Hazırda 19 yaşlı futbolçu icarə əsasında “Fiorentina”da çıxış edir.
“Operativ Məlumat Mərkəzi-OMM”-in xəbərinə görə, Manna DAZN-a müsahibəsində bildirib ki, Neapol təmsilçisi Mastantuononu hələ o, “River Pleyt”də oynadığı dövrdən izləyib.
“Biz Mastantuononu “River Pleyt”də çıxış etdiyi vaxtdan izləyirdik. Bu futbolçu xoşumuza gəlirdi və indi də gəlir. Onu “Real”dan transfer etmək istəyirdik, lakin klub futbolçunu hazırda “Napoli” üçün qəbuledilməz olan şərtlərlə satırdı”, – Manna deyib.
Ötən yay “Fiorentina” Mastantuononu “Real”dan icarəyə götürüb. Argentinalı futbolçu İtaliya klubunun heyətində bütün turnirlərdə yeddi oyuna çıxıb və üç qol vurub.
