"Real" Madridin argentinalı vingeri Franko Mastantuono İspaniya paytaxtına köçdükdən cəmi bir il sonra komandadan ayrıla bilər.
"Operativ Məlumat Mərkəzi-OMM" "Defensa Central" nəşrinə istinadən xəbər verir ki, 18 yaşlı futbolçunun Avropadakı ilk mövsümü o qədər də uğurlu alınmayıb.
Meydanda nadir hallarda görünən oyunçunun gələcəyi ilə bağlı mətbuatda mütəmadi olaraq müxtəlif şayiələr yayılır.
Mastantuono əslində "Real"ı tərk etmək istəmir, lakin oyun praktikası qazanmaq üçün sabiq klubu "River Pleyt"ə qayıtmaq variantını da istəksiz də olsa nəzərdən keçirir.
Gənc istedad inkişafı üçün mütəmadi olaraq meydanda olmasının vacibliyini yaxşı anlayır. Madrid təmsilçisinin rəhbərliyi isə futbolçunu birdəfəlik satmaq niyyətində deyil. Bununla belə, klubun onu icarəyə vermək təkliflərini dəyərləndirəcəyi istisna olunmur.
Qeyd edək ki, argentinalı vingerin klubla müqaviləsi 2031-ci ilə qədər nəzərdə tutulub.
