OMM Redaksiyası
Seneqalın paytaxtı Dakarda keçirilən Yeniyetmələrin IV Yay Olimpiya Oyunlarında Azərbaycan cüdoçusu İbrahim Talıbov 55 kq çəki dərəcəsində qızıl medal qazanıb. Bu, Azərbaycanın Dakar-2026-da ilk qızıl medalıdır.
Talıbov yarışdan sonra sevincini sözlə ifadə etməyin çətin olduğunu deyib. O, “Bu hissləri sözlə anlatmaq mümkün deyil, çox xoşbəxtəm. Verdiyim sözü tutdum, çox şükür ki, bayrağımızı yüksəklərə qaldıra bildim”, – söyləyib.
Cüdoçu qələbəsində əməyi olan anasına, atasına və məşqçilərinə dərin minnətdarlığını bildirib, onların üzərində böyük əziyyət çəkdiyini vurğulayıb. Talıbov yarışdan sonra yalnız istirahət etməyi düşündüyünü də əlavə edib.
Dakarda Azərbaycan yığması səkkiz idman növü üzrə 13 idmançı ilə təmsil olunur. Oyunlar noyabrın 13-dək davam edəcək.
Kontekst
İbrahim Talıbov noyabrın 1-də Dakar-2026-da 55 kq çəki dərəcəsində mübarizəyə başlayıb. Həmin gün Azərbaycan cüdoçusunun ilk görüşünün rəqibi İbrahim Mussa ilə Cahan Zib Tarinin qarşılaşmasının qalibi olmalı idi.
