OMM Redaksiyası
İspaniyanın "Betis" klubunda çıxış edən mərkəz müdafiəçisi Natan "Barselona"nın maraq dairəsinə düşüb.
"Operativ Məlumat Mərkəzi-OMM" xarici KİV-ə istinadən xəbər verir ki, 25 yaşlı braziliyalı futbolçunun xidmətləri Kataloniya təmsilçisinə təklif edilib.
Bu keçidin təxminən 30 milyon avroya başa gələcəyi ehtimal olunur. Klubun əsas hədəfi Milanın "İnter" komandasından Alessandro Bastoni olsa da, Natan bahalı italiyalıya büdcəyə uyğun alternativ kimi nəzərdən keçirilir.
Cari mövsümdə müdafiəçi "Betis"in heyətində bütün turnirlərdə ümumilikdə 41 oyun keçirib və 1 məhsuldar ötürmə ilə yadda qalıb.
"Transfermarkt" portalının qiymətləndirməsinə əsasən, oyunçunun hazırkı bazar dəyəri 25 milyon avro təşkil edir.
