OMM Redaksiyası
Bakıda “20 Sentyabr” metro stansiyasının gələn ilin birinci yarısında tam istismara verilməsi hədəflənir.
"Operativ Məlumat Mərkəzi-OMM" APA-ya istinadən xəbər verir ki, bu barədə “Bakı Metropoliteni” QSC-nin Tikinti layihələrinin idarə edilməsi departamentinin rəhbəri Məmməd Rzayev məlumat verib.
Onun sözlərinə görə, stansiyada tikinti işləri başa çatıb, hazırda tamamlama işləri aparılır.
Bununla yanaşı, “28 May” və “Nizami” stansiyaları arasında uzunluğu 211 metr olan mənzil tunelinin tikintisi davam edir. Artıq tunelin 63 metrində qazıntı işləri tamamlanıb.
Gələcəkdə bu tunelin “Nizami”–“Cəfər Cabbarlı” tunelinə çevrilməsi nəzərdə tutulur.
