OMM Redaksiyası
Azərbaycanın 17 yaşadək futbolçulardan ibarət millisi UEFA U-17 Avropa çempionatının 2026/2027 mövsümünün birinci seçmə mərhələsində növbəti oyununu keçirib. Komandamız Şimali İrlandiya yığması ilə qarşılaşıb.
Almaniyanın Frankfurt şəhərindəki “DFB Kampus”da baş tutan görüş rəqibin 4:0 hesablı qələbəsi ilə yekunlaşıb. Beləliklə, Azərbaycan millisi seçmə mərhələdə keçirdiyi iki oyunda ümumilikdə 11 qol buraxıb, rəqib qapılarına isə qol vura bilməyib.
Azərbaycan millisi ilk görüşündə noyabrın 11-də Almaniya yığmasına 0:7 hesabı ilə uduzub. İki oyundan sonra xalı olmayan komanda seçmə mərhələdəki son qarşılaşmasına hazırlaşır.
Azərbaycan millisi noyabrın 17-də Litva ilə üz-üzə gələcək. Almaniyanın Bad-Vilbel şəhərindəki “Nidda-Sportfeld” stadionunda keçiriləcək görüş Bakı vaxtı ilə saat 14:00-da başlayacaq.
