OMM Redaksiyası
1994-cü il dünya çempionu, Braziliya millisinin sabiq hücumçusu Romario yığmanın baş məşqçisi Karlo Ançelottini sərt tənqid edib. Braziliya noyabrın 14-də yoldaşlıq görüşündə Yaponiyaya 2:3 hesabı ilə uduzub.
“Ançelotti, bəsdir! Əşyalarını yığ və get! Heç kim sənin əvvəlki uğurlarını şübhə altına almır. Sən dünya futbolu tarixinin ən böyük məşqçilərindən birisən, amma klub səviyyəsində. Braziliya millisi ilə hələ heç nə göstərməmisən. Bu qədər bəsdir!” – Romario sosial şəbəkə hesabında yazıb.
O, Ançelottiyə klublara qayıtmağı tövsiyə edib və Braziliya millisinin gözləmə mövqeyində qala bilməyəcəyini bildirib. Romario Braziliya Futbol Konfederasiyasının (CBF) prezidenti Samir Şauda da müraciət edərək, cəsarətli qərar verməyə çağırıb.
“Xahiş edirəm, cənab prezident, Ançelottini yola salın! Milli komandanın formasına münasibətdə zarafat yeri yoxdur. Onsuz da kifayət qədər biabır olmuşuq. Daha bir dünya çempionatını riskə atmaq olmaz. Çempionat başa çatandan sonra ağlamaq gec olacaq. İndi hərəkətə keçmək lazımdır!” – Romario qeyd edib.
