OMM Redaksiyası
Azərbaycanın U-19 millisi 2026/2027 mövsümünün UEFA U-19 Avropa çempionatının seçmə mərhələsində ikinci oyununda Serbiya ilə qarşılaşıb. B Liqasının ikinci seçmə mərhələsi çərçivəsində keçirilən görüş meydan sahiblərinin 4:0 hesablı qələbəsi ilə başa çatıb.
Pançevodakı “Mladost” İdman Kompleksində baş tutan matçdan sonra Azərbaycan millisi seçmə mərhələdə keçirdiyi iki qarşılaşmada ümumilikdə 11 qol buraxıb, rəqib qapılarına isə iki dəfə yol tapıb.
Azərbaycan yığması noyabrın 11-də keçirilən ilk oyununda Monteneqroya 2:7 hesabı ilə uduzub. Həmin matçda millimizin qollarını Əli Əliyev və Məhəmməd Çodarov vurublar. Komanda Serbiyada keçirilən seçmə mərhələdə hələ xal qazanmayıb.
Son oyun Farer adalarına qarşı olacaq
Azərbaycan millisi qrupdakı son matçında noyabrın 17-də Farer adaları ilə üz-üzə gələcək. Belqraddakı “Vojdovats” stadionunda keçiriləcək qarşılaşma Bakı vaxtı ilə saat 19:00-da başlayacaq.
