Azərbaycan səfiri güləşçilərə dünya çempionatı öncəsi uğurlar arzulayıb

Azərbaycanın Qazaxıstandakı fövqəladə və səlahiyyətli səfiri Əlizamin Əsgərov Azərbaycan Güləş Federasiyasının nümayəndə heyəti ilə görüşüb.

Görüş zamanı oktyabrın 24-dən noyabrın 1-dək Astanada keçiriləcək böyüklər arasında güləş üzrə dünya çempionatı barədə fikir mübadiləsi aparılıb.

Əlizamin Əsgərov Azərbaycan milli komandalarına qarşıdakı yarışda uğurlar arzulayıb. Səfir idmançıların ölkəmizi layiqincə təmsil edəcəklərinə əminliyini ifadə edib.

Azərbaycan Güləş Federasiyasının nümayəndələri göstərilən diqqətə, qonaqpərvərliyə və dəstəyə görə səfirə minnətdarlıqlarını çatdırıblar.