Aleşkidə yolun minalardan təmizlənməsi zamanı iki nəfər ölüb

Aleşki yaşayış məntəqəsində humanitar əməliyyat çərçivəsində həyata keçirilən minalardan təmizləmə tədbirləri zamanı faciyəvi insident baş verib.

“Operativ Məlumat Mərkəzi-OMM” xəbər verir ki, bu barədə Rusiya Federasiyasının İnsan Hüquqları üzrə Müvəkkili Yana Lantratovaya məlumat yayıb.

Lantratova "Vesti" telekanalının efirində bildirib ki, yolların təmizlənməsi zamanı partlayış baş verib: "Minalardan təmizləmə zamanı bir istehkamçı və daha bir mülki şəxs həlak olub. Həlak olanların yaxınlarına dərin hüznlə başsağlığı veririk".

Ombudsman vurğulayıb ki, hadisədən sonra ərazidə əlavə təhlükəsizlik tədbirləri görülüb və ehtiyacı olan əhaliyə yardımın çatdırılması vacib missiya olaraq qalır.

Dnepr çayının sol sahilində, Xerson şəhərinin qarşı tərəfində yerləşən Aleşkidə ağır humanitar şərait hökm sürür. Rusiya Prezidenti Vladimir Putin bir qədər əvvəl Ukrayna tərəfinin şəhərə aparan yolları minaladığını və bunun humanitar fəlakətə yol açdığını bildirərək, regionda təcili yardım əməliyyatının keçiriləcəyini bəyan etmişdi.